Iligal na namimigay si Morada ng Jetmatic pump at
inidoro sa pamimili ng boto
Picture
Meyor Ronaldo M. Morada
Ni Jansen Torres

CALAPAN CITY, Abril 22, 2013 - Desperado na si mayor Morada. Pailing na pahayag ito ng isang kasalukuyang Kapitan ng Barangay na hiniling na ikubli sa publiko ang kanyang katauhan sa pangambang ipitin siya ni Morada. “Tatlong lingo pa bago ang eleksiyon, pero garapalan na ang pamimili ni Meyor Morada ng boto,” dugtong pa ni Kapitan. 
            Batay dito, nagsampa ng reklamo kaugnay sa paglabag sa Omnibus Election Code sa Provincial COMELEC si Roy Mudanza, kandidato ng UNA sa pagka-meyor laban kay Ronaldo Morada, kandidato ng LP sa pagka-meyor sa ikatlong termino nito, batay sa mga ibidensya ng garapalan at iligal na pamumudmod ni Morada ng mga Jetmatic pump sa mga barangay at sitio na mahina ang kanyang suporta.
            Ang reklamo ni Mudanza ay opisyal na tinanggap ni Atty. Fernando Besiño, OIC Provincial Election Supervisor, COMELEC, Calapan City. Tumanggap din ng kopya ng reklamo si Ronnie M. Manuel, Election Officer, COMELEC, Bansud.
            Sa interview ng Reporter kay Mudanza, pagkatapos nitong magsampa ng kaso sa COMELEC, ipinahayag nito na, ”immoral at  iligal na ginagamit ngayon ni Morada ang pondong-bayan at lohistika ng gubyerno sa kanyang kampanya. Ang pamumudmod ni Morada ng jetmatic pump at inodoro sa mga barangay ay isang garapal na maniobra sa pamimili ng boto. Tahasang pag-insulto ito sa katauhan ng mga botante. Repleksiyon ito ng desperasyon ni Morada sa kanyang napipintong pagkatalo,” paglilinaw ni Mudanza.

Vote-buying and selling
            Tinukoy din ni Mudanza ang probisyon ng Omnibus Election Code na parehong ipinagbabawal ang pamimili, at ang nagbebenta ng boto.

            Alinsunod sa Section 261 ng Omnibus Election Code, ang vote-buying and selling ay: “any person who gives offers or promises money or anything of value… directly or indirectly… in order to induce anyone or the public in general to vote for or against any candidate”. 
            Kabilang din sa kinasuhan ni Mudanza sina, Thelma Reyes, Administrador ni Morada, Barangay Health Worker Ruby Sola, at mga empleyado ng General Service Office (GSO) na sina Hector Hernandez at Sevilla Dapula kaugnay sa iligal na pamumudmod ng Jetmatic pump at inidoro.
            Sinampahan din ng kasong paglabag sa Election Code si Violeta Nazareno, Municipal Social Work Officer, sa paggamit nito sa programang 4P’s sa pamimili ng boto para kay Morada.
            Ayon kay Mudanza, ”ang mga bulok na pulitiko, katulad ni Morada at mga kampon nito ang yumuyurak sa malaya at malinis na proseso ng pagpili ng iboboto ng mga botante. Instrumento din si Morada sa pagpapababa sa kalidad ng eleksiyon sa antas ng maduming halalan. Dapat malaman ito ng COMELEC para maparusahan at madiskwalipika ang ganitong mga kurap na pulitiko at mga tauhan nito,” dagdag pa ni Mudanza.


Disqualification           
            Batay sa Sec. 68 ng Omnibus Election Code: “Sec. 68. Disqualifications. — Any candidate who, in an action or protest in which he was a party is declared by final decision of a competent court guilty of, or found by the Commission of having (a) given money or other material consideration to influence, induce or corrupt the voters or public officials performing electoral functions x x x shall be disqualified from continuing as a candidate, or if he has been elected, from holding the office. . .”
            Ayon pa kay Mudanza, nilabag din ni Morada at kanyang kampo ang kasunduan sa ”Peace Covenant” na piniramahan ng bawat panig noong Marso 3, 2013, kung saan ay pumirma din ang Bansud COMELEC, Simbahang katoliko, Bansud PNP at Philippine Army bilang mga saksi. Nakasaad sa naturang ”Peace Covenant” na bawal ang pananakot at pamimili ng boto sa anumang anyo nito.  

Bigo si Morada 
            “Bigo si Morada para lutasin nito ang kawalan ng sistema at malinis na suplay ng inuming tubig para sa mamamayan. Anim na taon na sa poder si Morada subalit walang maihain na plataporma ito sa mamamayan ng Bansud. Pakitang-tao lamang ang serbisyong alam ni Morada.
            Ang kailangan ng bayan ay maitayo ang Bansud Municipal Waterworks System (BMWS), pagdidiin ni Mudanza.®

 


Comments




Leave a Reply


local politics, good governance, transparency, accountability, people's participation, political reform, reform politics, bansud, oriental mindoro