"Kunin ang bawat pagkakataon at panahon para ilantad, tutulan at labanan ang pagha-hariharian ng Morada Gang na kilala sa katiwalian, karahasan, kriminalidad at pag-abuso sa kapangyarihan sa bayan ng Bansud, Silangang Mindoro"
Picture
Tapos na ang halalang 2013, subalit di pa tapos ang laban para sa pagbabago. Determinado tayo sa nais nating pagbabago para sa kagalingan ng mga Bansudeño – may eleksiyon man o wala.

Kunin ang bawat pagkakataon at panahon para ilantad, tutulan at labanan ang pagha-hariharian ng Morada Gang na kilala sa katiwalian, karahasan, kriminalidad at pag-abuso sa kapangyarihan sa bayan ng Bansud, Silangang Mindoro.

Itaguyod natin ang Pulitika ng Pagbabago at tunay na paglilingkod sa mamamayan. Bagong Pulitika ang tamang landas tungo sa tunay na pagbabago. Pulitikang nagbibigay ng tunay na kapangyarihan sa mamamayan, hindi ng panlilinlang, pananakot, karahasan at paurong na pamumuno.

Malinaw ang hangad nating mga mamamayan. Pulitika ng pagbabago ang sigaw nating mga Bansudeño.

Ang pulitika ng pagbabago ang ating alternatibo tungo sa pagkakamit ng isang tunay na mabuting pamamahala.

Sa balangkas lamang ng bagong pulitika maaaring maipatupad ang isang tunay na bukas at demokratikong pamahalaan.

Kailanman ay imposibleng maganap ang tunay na pagbabago sa balangakas ng tradisyunal na politika o trapo.

Suriin natin ang magkabaliktad na paraan ng pamumuno at pamamahala ng bagong pulitika sa isang banda at trapo sa kabilang banda.

SA BAGONG PULITIKA


Ang balangkas (framework) ng bagong pulitika ay paghahangad na baguhin ang luma at bulok na sistema at prosesong pampulitika.

Sa pamamagitan ng bagong pulitika, itataguyod natin ang mga sumusunod – panahon man ng eleksiyon o hindi:

1. Pulitikang nakabase sa prinsipyo at mga isyu ng mamamayan, hindi sa panlilinlang at paghahasik ng karahasan sa mamamayan;

2. Pulitika ng pananagutan sa bayan, integridad at serbisyo publiko, hindi ng pansariling kapakanan at pangangamkam sa kaban ng bayan;

3. Pulitikang nagbibigay ng tunay na kapangyarihan sa mamamayan, hindi ng panghahati, pananakot at karahasan; at

4. Pulitikang nagtataguyod sa mabuting pamamahala.

Ang mga lider/mamamayan at sistema ng Bagong Pulitika lamang ang mayroong kakayahan at determinasyon para ipatupad ang tunay na good governance. Bagong pulitika lamang ang tamang landas para saTunay na Pagbabago!

SA LUMANG PULITIKA NG TRAPO


Samantala, ang balangkas ng traditional politics (trapo) ay nakabatay sa preserbasyong ng kasalukuyang bulok na pampulitikang kaayusan (status quo). Sapagkat sa ganitong sistema lamang sila malayang maisasagawa ang lahat ng klase ng kurapsiyon at anomalya, kubli man o harapan.

Ang trapo, tulad ni Morada, ay laging kontra sa tunay na pagbabago. Hanggang sa mga pakitang-taong proyekto lamang ang kaya nitong gampanan.

Ang motibo nito ay itaguyod ang makitid na interes ng kanyang pampulitikang pangkat o gang, mulat na kumokontra sa mga popular na reporma na isinusulong ng mga mamamayan.

Ang trapo ay itinuturing ang poder ng kapangyarihan bilang isang empresa at negosyo, na pinapatakbo ng mga kamag-anak at pamilya nito – ang mga pangako ay laging napapako.

Walang seryosong plataporma at ang alam lamang ay gumawa ng mga pasiklab na proyekto at artipisyal na pagbabago.

Ang trapo ay TUTOL sa tunay na diwa ng transparency, accountability at people’s participation. Ang kanilang talumpati at pahayag hinggil sa good governance ay isang malaking buladas at panlilinlang lamang sa publiko.

Ang TRAPO, tulad ng pulitika ni Morada ay isang luma, bulok at inaagnas na tipo ng pulitika – PATULOY ANG LABAN, dapat natin itong itakwil at wakasan!
 
 

Mula sa Bilibid Prison, dinala ng tatlong guwardiya si Nestor Rivamonte alyas Baleleng sa DOJ. Si Baleleng ay sentensiyadong kriminal, berdugo ng Bansud at Chief Security Officer ni Ronaldo M. Morada, meyor ng Bansud, Silangang Mindoro

DEPARTMENT OF JUSTICE, Mayo 3, 2013 – Ipinatawag ni Assistant State Prosecutor, Stewart Allan A. Mariano ng Department of Justice (DOJ) si Nestor R. Rivamonte alyas Baleleng kaugnay sa kasong murder, na  isinampa ni Jasper Galicha, anak ng pinaslang na si Wenefredo Galicha. Ang kasong murder ay may NPS Docket No. XVI-INV-13C-00079.

Mula sa Bilibid Prison, dinala ng tatlong guwardiya si Nestor Rivamonte alyas Baleleng sa DOJ. Si Baleleng ay sentensiyadong kriminal, berdugo ng Bansud at Chief Security Officer ni Ronaldo M. Morada, meyor ng Bansud, Silangang Mindoro.
MORADA GANG SA DOJ
Picture
NESTOR R. RIVAMONTE, convicted criminal at Chief Security Officer ni Meyor Ronaldo Morada, ng Bansud, Silangang Mindoro
Picture
CARLITO DE CASTRO, Municipal Councilor, Bansud, Silangang Mindoro.
Picture
CRISPIN CABRAL, Barangay Captain, Barangay Pag-asa, Bansud, Silangan Mindoro
Picture
ABNER MABUNGA, dating Kapitan ng Barangay, Bansud, Silangang Mindoro
IBA PANG AKUSADO

Kabilang sa mga respondents sa kasong murder sina Rene Macatol, Carlito de Castro, Crispin Cabral at Abner Mabunga, mga bodyguard at kasapi ng gang ni meyor Morada

Hindi dumalo sa naturang hearing si Macatol. Galit na tinanong ni Asssistant Prosecutor Mariano ang abogado ng mga akusado bakit hindi dumalo sa hearing si Rene Macatol sa pangalawang pagkakataon. ”Hindi po makalakad si Macatol sanhi ng tama ng bala ng baril sa kanyang paa,” ang sinungaling na sagot ng abogado ng mga akusado.

Mahigpit na ipinag-utos ni Asssistant Prosecutor Mariano sa abogado ng mga akusado na dalhin si Rene Macatol sa Mayo 8, 2013 sa kanyang sala sa DOJ.

Kasama din sa dumalo sa hearing ang witness ni Macatol na si Elmer Feraro. Nagsumiti ng magkakahiwalay subalit unipormadong counter-affidavit sina Rivamonte, De Castro, Cabral at Mabunga.

Dumalo din sa naturang hearing sa pangalawang pagkakataon si Jasper Galicha, anak ng biktima, kasama ang kanyang saksi na si Dominador Castillano.

Samantala, nag-aabang sa labas ng gusali ng DOJ ang buong pwersa ng DOJ press group, mula sa broadcast at print media, sa paglabas ni Rivamonte para sa isang panayam. Subalit mabilis inilabas siya ng mga guwardiya nito mula sa DOJ pabalik sa Bilibid Prison.

Kasalukuyang nakakulong si Rivamonte sa National Bilibid Prison, mula pa noong Marso 26, 2013, na sentensiyado sa kasong illegal-drugs.
SUMMON NG DOJ
DE CASTRO: UTAK SA KASONG MURDER

Matatandaan na nagsampa si Jasper Galicha, anak ng pinaslang na si Wenefredo Galicha, ng kasong murder sa Department of Justice (DOJ), Manila noong Marso 1, 2013, laban kina Carlito de Castro, konsehal ng bayan ng Bansud, Nestor Rivamonte, Rene Macatol, Abner Mabunga, mga body guard ni Ronnie Morada, Meyor ng Bansud at Crispin Cabral, Kapitan ng Barangay.

Sa sinumpaang salaysay ni Jasper Galicha sa DOJ, ang kanyang ama na si Wenefredo Galicha ay pinaslang noong Hunyo 22, 2012 sa tulay ng Brgy. Banus, Gloria, Silangang Mindoro. Batay sa saksi, walang-awang pinagbabaril nina Nestor Rivamonte, Rene Macatol at Abner Mabunga ang biktima. Nasaksihan ni Dominador Castillano ang buong pangayayari, na noon ay nasa lugar ng krimen.

Ang itinuturong utak ng pagpaslang ay si Carling de Castro, konsehal ng Bayan ng Bansud. Kasabwat din sa pagpatay si Crispin Cabral, kapitan ng barangay, sa Pag-asa, Bansud, Silangang Mindoro.®
POSAS NI BALELENG: BIDYO
 

local politics, good governance, transparency, accountability, people's participation, political reform, reform politics, bansud, oriental mindoro