Picture
PAG-ASA, BANSUD, Marso 9, 2013 – Sa ginanap na ”All-Leaders’ Assembly”, sa barangay Pag-asa, Bansud, isang multisektoral na miting ng mga mamamayan, inilunsad ang kampanyang-bayan laban sa mataas na singil ng Bansud BEmONC (Basic Emergency Obstetric and Newborn Care).
   

Mariing tinuligsa ng mga lider at mamamayan mula sa labing tatlong barangay ng Bansud ang mataas at di-makatarungang paniningil ng P3, 600 sa bawat nanganganak sa BEmONC. Ipinahayag din ng mga lider ang hindi pag-bibigay ng ospital ng opisyal na resibo sa bawat bayarin dito, simula pa nang maitayo ang BEmONC noong 2008.
   

Ibinunyag ng ilang lider ang ginawang labis na pagpapahirap sa kanila ni Josie Morada, Midwife at pinuno ng BEmONC program at asawa ni meyor Ronnie Morada. ”Kapag hindi kami makabayad ng halagang P3,600 o kulang ang aming pera, ginagawa kaming alipin ni Josie Morada. Maghapon kaming nag-gagamas ng damo sa harap at paligid ng kanyang bahay”.
   

Sa isang pahayag, inilinaw ni Roy Mudanza, na ang kawalan ng nararapat na resibo sa bawat transaksiyon ng mga tauhan ng gubyerno ay tahasang paglabag sa Presidential Decree 1445 (Government Auditing Code of the Phlippines), Section 68. Issuance of Official receipt.”1. No payment of any nature shall be received by a collecting officer without immediately issuing an official receipt in acknowledgment thereof. The receipt may be in the form of postage, internal revenue or documentary stamps and the like, or officially numbered receipts, subject to proper custody, accountability, and audit.”

Picture
ORDINANSA: KONTRA-MARALITA

Tinuligsa din ng mga dumalong lider ang Municipal Ordinance No. 027 S. 2011, kung saan arbitraryong itinakda ang singil ng BEmONC sa halagang P3, 600 sa bawat manganganak. Sa kanilang petisyon, ipinahayag ng mga lider na ”ang ordinansa ni Morada ay kontra-mamamayan. Ang BEmONC ay ginawang gatasang-bayan ni Morada at kanyang pangkat”.

”Ginawang pribadong negosyo ni Morada ang pampublikong serbisyo sa kalusugan. Katungkulan ng gubyernong ipagkaloob ito sa mamamayan ng libre lalo na sa mga maralitang tulad namin. Dapat ay serbisyo hindi negosyo”, pagdidiin pa ng mga lider.  
 
BUOD NG PETISYON

 
Sa kanilang pitisyon, iginigiit ang mga sumusunod:
[1] Itigil ang paniningil ng P3, 600;
[2] Ipawalang-bisa ang  Municipal Ordinance No. 027 S. 2011;
[3] Isapubliko ang multi-milyong koleksiyon ng BEmONC mula 2008- 2013; at
[4] Magbitiw sa tungkulin ang pamunuan ng BEmONC: sina DR. MARIO ORNEDO SALES (hepe ng ospital) at JOSIE MORADA (BEmONC program coordinator).      

BEMONC

Ang BEmONC ay pambansang programa ng Department of Health (DOH) -  sa layuning mabawasan ang panganib at mortalidad sa panganganak ng mga ina at kumplikasyon sa mga bagong silang na sangol. Ito din ang batayang pasilidad pangkalusugan sa bawat munisipalidad at barangay sa buong bansa.

Mayroong kapasidad itong ipatupad ang anim (6) na signal obstetric functions, kabilang ang:

[1] Parenteral administration of oxytocin in the third stage of labor;
[2] Parenteral administration of loading dose of anticonvulsants;
[3] Parenteral administration of initial dose of antibiotics;
[4] Performance of assisted deliveries;
[5] Removal of retained products of conception; at
[6] Manual removal of retained placenta (BEmONC protocol).

Alinsunod sa Millennium Development Goal (MDG), ang BEmONC program ay suportado ng Japan International Cooperation Agency (JICA), World Health Organization (WHO), United Nations Children’s Fund (UNICEF) at United Nations Population Fund (UNFPA).#


Sign online petition here

 


Comments




Leave a Reply


local politics, good governance, transparency, accountability, people's participation, political reform, reform politics, bansud, oriental mindoro