Security Chief ni Meyor Ronaldo Morada ng Bansud, Oriental Mindoro, matagal nang wanted na criminal at sentensiyado sa kaso ng illegal drugs noon pang 2004
Picture
Ni Jasmine Santiago
Reporter
People's Newspaper
Oriental Mindoro


BANSUD, SILANGANG MINDORO, Marso 27, 2013 - Ipinag-utos ni Hon. Maria Paz Reyes-Yson, Pairing Judge, sa pamamagitan ng ”Order of Commitment”, na ikulong si Rivamente sa Bilibid Prison agad.

Noong Martes, Marso 26, 2013 ay tuluyan nang ibiniyahe sa New Bilibid Prison ang pusakal na kriminal na si Rivamonte, mula sa pagkakapiit nito sa Kampo Crame.

Sentensiyado si Rivamonte batay sa paglabag nito sa ”Section 15, Article III in relation to Section 2 (e), (f), (m), (o), Article I and Section 21, Article IV of RA 6425 (The Dangerous Drugs Act of 1972), as amended by PD No. 1683 and further amended by RA 7659”.   
Nahatulan si Rivamonte noong Hulyo 5, 2004, ng pagkabilanggo sa New Bilibid Prison, batay sa sentensiya ng RTC Branch 53, Manila, na naka-docket bilang Criminal Case No. 141680.
 
ANG PAGDAKIP KAY RIVAMONTE


Dinakip ng otoridad si Nestor Red Rivamonte alyas Baleleng noong Marso 21, 2013, ganap na alas siyete ng gabi sa Nautical Highway, Barangay Bulbogan, Gloria, Silangang Mindoro. Agad tumiklop at di na nanlaban pa si Rivamonte sa pwersa ng mga otoridad.

Nakasakay si Rivamonte sa puting brand new at wala pang plakang SUV na Toyota Fortuner, kasama ang kanyang asawang si Hazel Rivamonte at kanyang biyenan nang  arestuhin ito.

Sa pinagsanib na mga yunit ng NBI, CID, ISOD, IG at Philippine Army, inaresto si Rivamonte batay sa bisa ng Alias Warrant of Arrest na inilabas ni Hon. Judge Henrick  F. Gingoyon ng RTC Branch 117, Pasay City sa kasong Robbery na naka-docket  bilang Criminal Case No.02-0954 may petsang    
Disyembre 26, 2002.     

Si Rivamonte ay matagal nang wanted na kriminal batay sa isinampang reklamo ng  biktimang Taiwanese national na ninakawan at hinoldap ni Rivamonte sa Royale Condominium, Balagtas Street, Pasay City noong 2002.

Narekober ng otoridad mula kay Rivamonte ang Armscor Caliber .45 pistol, may serial no.1111482, apat (4) na magazine ng  bala at dalawampu’t siyam (29) na piraso ng bala ng caliber 45.
 
Mabilis na dinala at ibiniyahe si Rivamonte sa CID, IG National Headquarters sa Kampo Crame, Quezon City, para sampahan ng iba pang kinakailangang mga kaso at dokumentasyon bago i-turn-over sa kaukulang trial court.


Nanatiling nakakulong si Rivamonte sa Kampo Crame sa loob ng anim na araw, mula Marso 21 hanggang Marso 26, 2013.

Picture
Picture
KULONG PA DIN KAHIT NAG-PIYANSA
 
Nagbayad ng piyansa si Rivamonte sa kanyang kasong Robbery sa halagang isandaang libong (P100,000.00) piso noong Marso 23, subalit nanatili pa din siyang nakakulong.

Liban sa ”Alias Arrest Warrant” kaugnay sa kasong robbery na pinansiyahan ni Rivamonte, ay mayroon pang pitong nakaumang na ”Arrest Warrants” laban sa kanya. Lumitaw sa rekord ng National Bureau of Investigation (NBI) ang iba pang mga patong-patong na kasong criminal laban kay Rivamonte. Kabilang dito ang kasong Estafa thru Falsification of Official Document, carnapping, kidnapping, murder, robbery, theft at iligal na droga.
 
WANTED SIMULA PA 1999    

Si Nestor Rivamonte alyas Baleleng ay isang wanted na bandidong kriminal simula pa noong 1999 sa krimeng ginawa nito sa Laguna, kaugnay sa kasong Carnapping at Estafa thru Falsification of Public Documents (BP Blg 22 & RA 6539).

Kampanteng nakapag-tago si Rivamonte sa batas at iba’t-ibang kriminal na pananagutan nito sa ilalim ng administrasyon ni Morada, bilang Chief Security officer ng huli, simula 2007.
ORDER OF COMMITMENT
Picture
WALONG 'ORDER OF ARREST' LABAN KAY RIVAMONTE

Batay sa rekord mula sa National Bureau of Investigation (NBI) may petsang Hulyo 22, 2012, mayroong kabuuang walong (8) ”Order of Arrest” na inilabas mula sa iba’t-ibang korte, kabilang ang mga sumusunod:

1.     RIVAMONTE, Nestor - 1716-A Airport Rd, Baclaran, Paranaque MM - (At Large) - Violation of BP Blg 22 & RA 6539 (Carnapping) & Estafa thru Falsification of Public Documents, CC # NOT STATED, Provincial Prosecutors, Sta. Cruz, Laguna 9-10-99;

2.     RIVAMONTE, Nestor y Red - 17-B Airport Rd., Baclaran, Paranaque City - Alleged Estafa, CC # NBI CASE, referred to NBI AFCCD assigned to SI P. Canlas (C) Ma. Antonia Lacuesta, 2-10-00.   

3.     RIVAMONTE, Nestor -1716 Airport Rd, Baclaran, Paranaque City - Kidnapping, CC #NBI CASE, referred to SA Cesar Bacani assigned at STP © concerned Kagawad of Sucat, 11-22-00;

4.     RIVAMONTE, Nestor - 1716-A Airport Rd, Baclaran, Paranaque City - Order of Arrest for Estafa thru falsification of Official Document, CC # 1492-SPL. RTC Br. 31 San Pedro Laguna, 12-29-00;

5.     RIVAMONTE, Nestor - 1716 Airport Rd, Baclaran, Paranaque City - Order of Arrest for violation of PD 1612 (Anti-Fencing Law), CC # 1493-SPL, RTC Br. 31 San Pedro Laguna, 12-29-00;

6.     RIVAMONTE, Nestor - c/o Doroja Law Office, No. 8 P. Tuazon Blvd., Cubao, Quezon City—Order of Arrest for Estafa, CC #01-0086, RTC Br. 253 Las Pinas City. 4-16-01;

7.     RIVAMONTE, Nestor - 4053 Airport Rd., Baclaran, Paranaque, MM - Wanted for Illegal drugs (Offense: The Dangerous Drugs Act of 1972) CC # 95 141680, RTC Br. 53, Manila, 9-3-01; at

    (Note: Batay sa kasong ito ang sentensiyang ibilanggo si Rivamonte sa New Bilibid Prison).

8. RIVAMONTE, Nestor y Red - Unit 2013 Royale Mansion, Balagtas St., Pasay City -Wanted for Robbery, CC #02-0954, RTC Br. 117 Pasay City, 12-26-02.

    (Note: Batay sa kasong ito ang ginamit na ”Alias Order Of Arrest” nang dakpin si Rivamonte).

Ganito ang kwalipikasyon ni Rivamonte para gawin itong Chief Security Officer ni Meyor Ronaldo M. Morada simula 2007 hanggang sa madakip ito ng otoridad.

Wala pa dito ang mga asuntong kinasangkutan ni Rivamonte laban sa mamamayan ng Bansud. Kabilang dito ang kidnapping, assault, at grave threat na kasalukuyang nakasalang sa OMBUDSMAN (Docket No. OMB-L-C-12-04-90), kung saan kasama sa kasong ito si Morada.

Wala nang talab ang proteksiyon ni Morada na ipinagkaloob nito sa kanyang berdugong bodyguard at chief security sa loob ng anim na taon.

May kasunod kaya si Rivamonte sa Bilibid? ®
 
 
Picture
Si Roy Mudanza at VP Jojo Binay
OFFICE OF THE VICE PRESIDENT, Pasay City, October 10, 2012 - Iniharap ni Roy Mudanza, kandidato ng UNA sa pagka-Meyor ng Bansud, si Dominador Castillano o sa palayaw na Macoy kay Vice President Jojo Binay, noong Miyerkules, Oktubre 10, 2012, sa Coconut Palace. Si Macoy ay isa sa pinakahuling biktima ng karahasan mula sa kamay ng mga bandidong kampon ni Meyor Ronnie Morada ng Bansud, Oriental Mindoro.

Nangunguna sa paghahasik ng karahasan at paglabag sa karapatang-pantao sina Nestor R. Rivamonte alyas Baliling, Chief Security ni Mayor Ronie Morada, Rene Macatol at isang John Doe, mga 'bodyguard' ni Morada.

Ipinakita ni Macoy kay VP Binay ang kanyang mga tinamong sugat sa ulo at katawan dulot ng paulit-ulit na pag-kulata ng ripleng Armalite at kalibre 45 sa kanya ni Rivamonte at Macatol.

(Note: mahina po ang audio ng bidyo.Pakibasa ang buong report)
Picture
SALAYSAY NI MACOY KAY BINAY

Isinalaysay ni Macoy kay VP Binay ang marahas na pag-atake nina Baliling at Macatol noong gabi ng Setyembre 26, 2012, sa Plaza ng Bansud. Hinarang nina Baliling na noon ay nakasakay sa owner-type jeep ang sinasakyang motorsiklo ni Macoy. Bumaba sina Baliling at dalawa pa niyang kasama at sabay-sabay na inatake si Macoy.

Sa kanyang salaysay, sinabi ni Macoy "na habang nasa pagkagimbal na kalagayan ako, mabilis nila akong piniringan ng mata, itinali ang aking kamay at paa at inihagis sa owner-type jeep tulad ng isang kakataying baboy". "Habang tumatakbo ang jeep, ay patuloy naman ang pagkulata sa akin ng ripleng armalite at kalibre 45. Sa pagitan naman ng pagsipa at pagsuntok sa akin, ay tatanungin ako ng, "kay Morada ka ba o kay Mudanza? Kaya't kahit labag sa kalooban ko, obligado akong sumagot ng," Kay Morada", pagdedepalye pa ni Macoy.

Dugtong pa ni Macoy sa kanyang salaysay, humingi ako ng tulong kay Roy Mudanza para sa tamang proseso ng pag-papa-blotter sa pulis. Matapos akong bigyan ng payo ni Mudanza, nagtungo agad ako sa police station noong Setyembre 30, 2012, malapit sa Munisipyo ng Bansud. Pagkatapos kong mag-report sa presinto, mabilis akong nilapitan ni Nestor R. Rivamonte, na noo'y nasa labas ng Munisipyo, at sinabi nitong, "bakit mag-dedemanda ka pa? Wala kang utang na loob! Pasalamat ka at binuhay ka pa! Gusto mo itumba na kita ngayon?"

MULING PAGBABANTA NI RIVAMONTE

Pagkatapos akong laitin, sindakin at muling bantaan ay tumalikod sa akin si Rivamonte at sinabing, "aantayin kita sa kanto". Dulot ng aking takot, sumibat na agad ako sakay ng aking motorsiklo. Sa tulay ng Proper Bansud, namalayan kong kasunod ko na sina Rivamonte at Rene Macatol, sakay ng kotseng Toyota Altis na may plakang PWI-177.

Habang hinahabol ako, itinutok sa akin ni Rene Macatol mula sa sinasakyan nilang kotse ang kanyang pistolang kalibre 45, at tila demonyong isinigaw nito, "KATAPUSAN MO NA MACOY!" Mabilis naman akong nag-dive mula sa aking motorsiklo at mabilis na tumakbo patungo sa maramimg tao. Mula dito ay agad nilang ibi-nuwelta ang kanilang kotse at sumibad na palayo.   




Sa harap ni Macoy (in red shirt), nagbigay ng direktang instruksiyon si VP Binay sa kanyang legal officer, Atty. Pozon para sa mabilis na pagsampa ng kaukulang kaso sa Ombudsman. Kaharap din dito si Joey Salgado (in black shirt), Spokesman ni Binay at Media Affairs Division Head.
KASONG KRIMINAL

Nagkakaisa sina Binay, Mudanza at buong pamunuan ng UNA sa pagkondena sa ganitong karahasan sa Bansud. "Mananagot sa batas ang mga salarin at utak ng terorismo at karahasan sa ating bayan", pagdidiin pa ni Mudanza.

Mahigpit namang ipinag-utos ni VP Binay sa kanyang mga abogado ang mabilis na pagsampa ng kaukulang kasong kriminal at administratibo sa lahat mga sangkot na otoridad at utak nito. Kabilang sa kasong kriminal ang conspiracy to commit kidnapping; assault; physical injuries at grave threat".

Sa pakikipag-miting nito kay VP Binay, kasama ni Roy Mudanza sina Doms Caramoan, aspiranteng Vice Mayor, kabilang ang kanyang mga kandidato sa pagka-konsehal ng bayan, lahat sa ilalim ng UNA.

Ang biktimang si Macoy, 37 taong gulang, ay dating driver ni Ronnie Morada noong 2007. Si Macoy ay kasalukuyang naghahanap buhay bilang isang fish vendor at tapat na lider ni Roy Mudanza.#
KASONG KRIMINAL LABAN KAY RONIE MORADA, ET AL
MEDICO-LEGAL REPORT
 

local politics, good governance, transparency, accountability, people's participation, political reform, reform politics, bansud, oriental mindoro